Almatyda B. Shúkenovti eske alýǵa arnalǵan qaıyrymdylyq kontsert ótedi

B. Shúkenov atyndaǵy qoǵamdyq qordyń resmı saıtynda málim etilgenindeı, qaıyrymdylyq kontsert - bul, ónerde daryndy mýzykant, ómirde tamasha adam bolǵan Batyrhannyń rýhyna taǵzym etý, artynda qaldyryp ketken mýzykalyq muralarymen qaýyshý bolyp tabylady. Sondaı-aq, kórermender kontsertte basqa da halyq jáne klassıkalyq ánderdi tyńdaıtyn bolady.

Aıta ketelik, sahnada Qurmanǵazy atyndaǵy Qazaq ulttyq konservatorııasynyń kórkemónerpazdar ujymdary men solısteri óner kórsetedi.

Kontsert 2 sáýirde konservatorııanyń úlken kontserttik zalynda ótedi. Bastalýy saǵat 19:00-de.

Barlyq jınalǵan qarjy qoǵamdyq qordyń shotyna aýdarylady.