Almatyda B. Momyshulynyń 100 jyldyǵy atalyp ótti
ALMATY. Qazannyń 26-sy. QazAqparat /Erbol Turymbetov/ - Búgin Almatydaǵy Qazaqstan Jazýshylar odaǵynyń Ádebıetshiler úıinde «Ultyn súıgen - uly adam» atty ǵylymı-tájirıbelik konferentsııa bolyp ótti.
Ony Qazaqstan Jazýshylar odaǵy respýblıkalyq «El-shejire» qoǵamdyq qory qazaqtyń batyr uly, kórnekti jazýshy Baýyrjan Momyshulynyń 100 jyldyǵyna oraı birlese uıymdastyrdy. Konferentsııaǵa zııaly qaýym ókilderimen birge batyr-jazýshynyń kelini Zeınep Ahmetova, baýyrjantanýshylar jáne basqa tanymal tulǵalar qatysty.
Jıyn barysynda Z. Ahmetova batyr atasy jaıly estelikter aıtyp, onyń qaldyrǵan úlken ǵıbratynyń ómirlik ustanymyna aınalǵanyn sóz etti. «Baýyrjan atamnyń qaldyrǵan murasy meniń ómirimde úlken mańyzǵa ıe. Men úshin ol rýhanı azyq, tárbıe akademııasy boldy», dedi Baýkeńniń kelini. Sóz arasynda Z. Ahmetova Baýyrjan ýnıversıtetin qurý ıdeıasyn da áńgime qyldy.
Óz sózinde Qazaqstan Jazýshylar odaǵynyń tóraǵasy Nurlan Orazalın men satırık Myńbaı Rásh jáne basqalar Baýyrjan shyǵarmashylyǵyna tereń toqtaldy.
