Almatyda azyq-túlik pen dári tegin jetkiziletin bolady
ALMATY. QazAqparat – Almaty turǵyndaryna azyq-túlik pen dári-dármek tegin jetkiziletin bolady. Qala ákimdigi men Glovo kompanııasy osyndaı ýaǵdalastyqqa qol jetkizdi, dep habarlaıdy QazAqparat tilshisi.
«Almaty turǵyndaryna aıtatyn habarym bar. Biz iri kompanııalardyń biri Glovo kompanııasymen birge tegin jetkizý máselesiniń sheshimin taptyq. 5 sáýirde Almaty turǵyndaryna azyq-túlik pen dári-dármek tegin jetkiziledi. Ár 3 kún saıyn kompanııa osyndaı aktsııa ótkizip turýǵa ynta bildirdi»,- dedi qalalyq Kásipkerlik pen ınvestıtsııalar basqarmasynyń basshysy Erkebulan Orazalın.
Ony aıtýynsha, ákimdik jetkizý naryǵyndaǵy barlyq kompanııalarmen tyǵyz qarym-qatynas ornatyp jatyr.
«Bul jerde tek meıramhanalardaǵy tamaq qana emes azyq-túlik, et, kókónis, dári-dármek te tegin jetkiziledi», - dedi ol.
