Almatyda «Azyq-túlik» dúkeninde ornalasqan jezóksheler ordasy áshkerelendi (FOTO)
ALMATY. QazAqparat - Abaı men Saın kósheleriniń qıylysyndaǵy atalǵan mekeme bir kórgennen esh kúdik týǵyzbaıdy. Alaıda polıtseıler «Azyq-túlik» degen mańdaısha japsyrylǵan dúkenniń ishinde jezóksheler ordasy jumys istep kelgenin anyqtady.
Ákimshilik ekinshi qabattaǵy bólmelerdi aqyly túrde jynystyq qyzmet kórsetýge jalǵa berip kelgen.
Tekserý barysynda 16 jeńil júristi boıjetken ishki ister organyna jetkizildi. Olardyń 4-ýi Ózbekstan men Qyrǵyzstannan kelgen.
Polıtsııa ókilderiniń málimdeýinshe, 29 maýsym men 2 shilde arasyndaǵy reıd barysynda 22 boıjetken ýchastokke jetkizildi. Olardyń 7-ýi Abaı kóshesinde qyzmet kórsetip kelgen.
«Reıd barysynda qaladaǵy barlyq kóńil kóteretin oryndar tekserildi. Ustalǵan tulǵalardyń kóbi QR Kóshi-qon týraly zańnamasyn buzyp kelgen sheteldik azamattar bolyp shyqty. Olar ákimshilik jaýapkershilikke tartyldy», - dedi qalalyq ІІD Uıymdasqan qylmyspen kúres basqarmasynyń basshysy, polkovnık Tańat Nazanov.
