Almatyda azyq-túlik baǵasyn turaqtandyrý qalaı júrip jatyr

ALMATY. QazAqparat - Almaty qalasy ákiminiń orynbasary Maqsat Qıqymov Óńirlik kommýnıkatsııa qyzmeti alańynda ótken brıfıngide baǵany turaqtandyrý men kásipkerlerge kórsetilgen qoldaý sharalary týraly aıtyp berdi, dep habarlaıdy QazAqpart tilshisi.

Maqsat Qıqymovtyń aıtýynsha, áleýmettik mańyzy bar azyq-túlik taýarlaryna Úkimet bekitken 19 túri jatady – 1 surypty un, qaraqumyq, kúrish, kespe, kúnbaǵys maıy jáne sary maı, qus eti, sıyr eti, sút, aıran, irimshik, 1 sanatty jumyrtqa, qant, tuz, nan, kartop. Pııaz, qyryqqabat, sábiz.

Sonymen qatar, ol baǵanyń ózgerýine maýsymdyq naýqan áser etetiniń aıtty.

«Kókónisti alsaq, onyń baǵasy maýsymdyq sıpatqa ıe. Máselen, qyryqqabatty alaıyq. Qazir Túrkistan oblysyndaǵy sharýalar ónimniń barlyǵyn jınap aldy. Endi ony qoımada saqtaý kerek. Munyń barlyǵy baǵaǵa áser etedi, ıaǵnı ár aı saıyn qyryqqabattyń baǵasy ósip otyrady. Onyń ústine Reseıde kókóniske suranys joǵary bolyp tur. Biz baǵa sharyqtap ketpes úshin aldyn ala agrarlyq kompanııamen kelissóz júrgizdik, jyl basynda olar bizden jeńildigi bar qaryz aldy. Olar Almaty qalasy úshin sharýalardan belgilengen mólsherde kókónisti aldyn ala jınap qoıdy. Endi sony jetkizip otyrady. ıAǵnı sáýir aıyna deıin «Magným» saýda jelisinde qyryqqabattyń kelisi 90 teńge mólsherinde bolady», - deıdi Maqsat Qıqymov.

Sondaı-aq, «Et dúkenderi» jobasy iske qosyldy, onda qoljetimdi baǵamen sıyr jáne qoı etin satylady, baǵany turaqtandyrý sıyr etiniń jaýyryn-tós bóliginiń bir kelisi 2 050 teńge. «Juldyz», «Túrksib» bazarlarynda eki satý orny jumys isteıdi. Qalanyń 7 iri bazarynda «Et dúkenderin» ashý arqyly jobany keńeıtý josparlanyp otyr.

«Aınalym syzbasynyń» sheńberinde qaryzdar berildi, sonyń nátıjesinde ÁMAT-tyń 60 myń tonnadan astam kólemde 19 pozıtsııasy boıynsha baǵa sharyqtamaı tur, bul qala boıynsha baǵany 35%-ǵa tómendetýge múmkindik berdi. Magným jelisiniń 54 saýda orny, Toımart saýda jelisiniń 14 saýda orny, Asyl ettiń 5 dúkeni qamtyldy»,- deıdi ol.

Oǵan qosa ShOB-ti qoldaýǵa arnalǵan «Eńbek», «Bıznestiń jol kartasy 2025», «Qarapaıym zattar ekonomıkasy», «Almaty bıznes – 2025» baǵdarlamalary iske asyp jatyr. Sondaı-aq Almaty ákimdiginiń bastamasymen bir tereze qaǵıdaty boıynsha jumys isteıtin Qoldau ortalyǵy iske qosylǵan.