Almatyda azyq-túlik baǵasy qymbattaýy múmkin be

ALMATY. QazAqparat – Almatyda azyq-túlik baǵasy qymbattaýy múmkin be? Qalalyq Kásipkerlik jáne ınvestıtsııalar basqarmasy basshysynyń orynbasary Damır Tazabek brıfıng barysynda osy saýalǵa jaýap berdi, dep habarlaıdy QazAqparat tilshisi.

«Biz qaladaǵy baǵany tejeý úshin barlyq sharany qoldanamyz. Bizde eki mehanızm bar - yntalandyrý, ıaǵnı kásipkerlik sýbektilerine baǵany ustap turý boıynsha mindettemeler men ákimshilik resýrstardy alý úshin qaryz berý, ıaǵnı shekti baǵalardy baqylaý», - dedi ol.

«2021 jyldyń basynan beri qalada áleýmettik mańyzy bar azyq-túlik taýarlaryna baǵa ındeksi 109,6 paıyz boldy. Bul kórsetkish ortasha respýblıkalyq kórsetkishten 0,1 paıyzǵa tómen bolyp, qala 19 óńir arasynda 15-shi orynda tur. Áleýmettik mańyzy bar azyq-túlik baǵasy 9,6 paıyzǵa ósti. Bul makroekonomıkalyq kórsetkish, biraq biz qaladaǵy baǵany ustap turý úshin barlyq sharany qoldanamyz»,- dedi spıker.

Aıta keteıik, áleýmettik mańyzy bar taýarlar tizimine birinshi surypty un, nan, qaraqumyq, kúrish, kartop, sábiz, pııaz, qyryqqabat, kúnbaǵys maıy, sıyr eti (súıekteri bar jaýyryn-keýde bóligi), taýyq eti, sút 2,5 paıyz, aıran, sary maı, jumyrtqa, tuz jáne súzbe kiredi.

Ákimdik málimetinshe, jergilikti bıýdjetten 10 mıllıard teńge bólingen, olar qalanyń saýda jelileriniń sórelerindegi baǵalardy tirkeýge, sondaı-aq óndirýshilerdiń satý baǵalaryn tirkeýge baǵyttalǵan.