Almatyda azyq-túlik baǵasy boıynsha óndirýshilermen 19 memorandým jasaldy
Qala ákimdiginiń baspasóz qyzmeti málim etkendeı, «Aınalym» qaryzdary aıasynda «Magným» jáne «Toımart» saýda jelilerine, «Alsad» jumyrtqa óndirý zaýytyna, «Asyl Et» sıyr etin óndirýshilerge jeńildikti qaryzdar berildi, olardyń sórelerinde ÁMAT-tyń 19 ataýyna 36,5 myń tonna kóleminde baǵa belgileý júrgiziledi. Qazirgi ýaqytta «Toımart» saýda jelisimen qaryz shartyn uzartý pysyqtalýda.
Budan bólek, maýsymaralyq kezeńde baǵany turaqtandyrý úshin 2021 jylǵy qyrkúıekten 2022 jylǵy sáýirge deıin «forvardtyq» satyp alý sheńberinde «Magným» saýda jelisinde 22 myń tonna kókónis satý júrgizilýde. «Toımart» jelisinde aǵymdaǵy jyldyń 30 sáýirine deıin 380 tonna kartop, sondaı-aq 300 tonna pııaz belgilengen baǵamen satylady.
Qalanyń 7 negizgi bazarynda («Kók bazar», «Jańa Aqbulaq» kóterme saýda kesheni, «Sary-Arqa», «Tastaq», «Taýsamaly», «Almaty-1», «Túrksib» jármeńkesi) «áleýmettik dúkender» jumys isteıdi, onda ÁMAT-tyń 10 ataýy (kartop, sábiz, pııaz jáne qyryqqabat, qant, qaraqumyq jarmasy, kúnbaǵys maıy, kúrish, múıiz, un) tómendetilgen baǵamen satylady, bul satýshylar arasynda básekelestik orta qalyptastyrady.
Kókónis áleýmettik dúkenderiniń úlgisi boıynsha 7 bazarda («Juldyz», «Orbıta», «Taýsamaly», «Arystan», «Tastaq», «Barys-4», «Túrksib jármeńkesi») «et dúkenderi» iske qosyldy. Búgingi tańda halyq tarapynan et ónimderine suranystyń artýy baıqalady, sonyń esebinen et dúkenderinde sıyr etin satý kúnine 1 tonnadan 4 tonnaǵa deıin ósti.
Qalanyń saýda núktelerine tómen baǵamen sórelerge tikeleı jetkizý úshin ÁMAT óndirýshilerimen 19 memorandým jasaldy.
«Úı janyndaǵy» dúkender sórelerinde ónim tapshylyǵyn boldyrmaý, sondaı-aq baǵany tejeý maqsatynda bakaleıa ónimderin (kúrish, kúnbaǵys maıy, 1-surypty un, qaraqumyq jarmasy, qant) óndirýshilerden tikeleı tómen baǵamen jetkizý uıymdastyrylǵan.
Apta saıyn Almaty qalasynyń 5 aýdanynda (Almaly, Medeý, Bostandyq, Alataý, Áýezov) «demalys kúni» azyq-túlik jármeńkeleri ótkiziledi. Oǵan Almaty oblysynyń jaqyn aýdandarynyń aýyl sharýashylyq taýar óndirýshileri, sondaı-aq Almaty qalasynyń azyq-túlik kásiporyndary qatysady.
«Almaty qalasy boıynsha básekelestikti qorǵaý jáne damytý departamentimen» birlesip ÁMAT-qa saýda ústemesiniń 15% saqtalýyn baqylaý boıynsha jumys jolǵa qoıyldy.
Memleket basshysynyń tapsyrmasy boıynsha Almaty oblysynyń ákimdigimen birlesip «Altyn Orda» kóterme saýda bazarynda tártip ornatý jumystary júrgizilýde. Osy naryqta birqatar deldaldyq «shemalardy» alyp tastaý nátıjesinde kókónis, et ónimderi men jemister baǵasynyń tómendeýi kútilýde.
«Altyn Orda» kóterme saýda bazarynda júrgizilip jatqan jumystarǵa uqsas, Almaty qalasy ákiminiń tapsyrmasy boıynsha «azyq-túlik taýarlarynyń baǵa belgileý tizbegi boıynsha deldaldyq shemalardy tekserý jónindegi óńirlik komıssııa» quryldy, ol baǵany negizsiz kóterý faktileri anyqtalǵan jaǵdaıda tıisti sharalar qabyldaı otyryp, saýda obektilerinde baǵa belgileýge tekserý júrgizetin bolady.
ÁMAT baǵasyn turaqtandyrý boıynsha jumys erekshe baqylaýda.
«Altyn Orda» kóterme saýda bazarynda júrgizilip jatqan jumystarǵa uqsas, Almaty qalasy ákiminiń tapsyrmasy boıynsha «azyq-túlik taýarlarynyń baǵa belgileý tizbegi boıynsha deldaldyq shemalardy tekserý jónindegi óńirlik komıssııa» quryldy, ol baǵany negizsiz kóterý faktileri anyqtalǵan jaǵdaıda tıisti sharalar qabyldaı otyryp, saýda obektilerinde baǵa belgileýge tekserý júrgizetin bolady.
ÁMAT baǵasyn turaqtandyrý boıynsha jumys erekshe baqylaýda.
