Almatyda Azııalyq kúres akademııasy ashylady
ALMATY. QazAqparat- Almatyda «Suńqar» shańǵy tramplınderiniń halyqaralyq kesheninde Azııalyq kúres akademııasy paıda bolady. Bul týraly qalalyq sport basqarmasynyń basshysy Rústem Baıseıitov sport jobalarynyń tanystyrylymy kezinde aıtty, dep habarlaıdy QazAqparat tilshisi.
«Bizdiń kópten kútken nysanymyz – «Suńqar» halyqaralyq tramplın kesheniniń ekinshi kezeginiń qurylysyn aıaqtaý. 580 orynǵa arnalǵan ámbebap zal qarastyrylǵan. Onda 25-te 16 metr basseın, qonaq úı kesheni bolady. Osy nysan negizinde Azııalyq kúres akademııasyn ashý josparlanyp oytr. Barlyq ınfraqurylym osy maqsattarǵa tolyǵymen jaýap beredi. Aıaqtaý merzimi - osy jyldyń qazan aıy», - dedi Rústem Baıseıitov.
Sonymen qatar, jergilikti bıýdjet esebinen qalanyń shetki aýdandarynda 6 sport-saýyqtyrý kesheni men bir tennıs ortalyǵy salynady.
Qazirgi kezde qaladaǵy sport nysandarynyń sany- 3,4 myń. Jalpy aýmaǵy 81,5 myń sharshy metrden asady.
