Almatyda Azııadaǵy bedeldi yqpaldastyq uıymynyń 25 jyldyǵy atalyp ótildi
ALMATY. QazAqparat - Almatyda Azııadaǵy ózara yqpaldastyq jáne senim sharalary jónindegi keńestiń qurylǵanyna 25 tolýyna oraı halyqaralyq-tájirıbelik konferentsııa ótti, dep habarlaıdy QazAqparat tilshisi.
«Azııadaǵy ózara yqpaldastyq jáne senim sharalary jónindegi keńes: 25 jyl seriktestik pen qaýipsizdik jolymen» atty AÓSShK qurylýynyń 25 jyldyǵyna arnalǵan halyqaralyq ǵylymı-tájirıbelik konferentsııasy ál-Farabı atyndaǵy QazUÝ-da ótti.
Sharany Qazaqstan Respýblıkasynyń Bilim jáne ǵylym mınıstrligi, Qazaqstan Respýblıkasynyń Syrtqy ister mınıstrligi, AÓSShK hatshylyǵy, Qazaqstandaǵy Birikken Ulttar Uıymynyń Ókildigi jáne ál-Farabı atyndaǵy Qazaq ulttyq ýnıversıteti uıymdastyrdy.
Konferentsııa jumysyna Qazaqstan Respýblıkasynda akkredıttelgen halyqaralyq uıymdar men dıplomatııalyq mıssııalardyń ókilderi, memlekettik qurylymdardyń, akademııalyq jáne eksperttik qoǵamdastyqtyń ókilderimen qatar jas ǵalymdar qatysty.
Konferentsııada baıandama jasaǵan Qytaı Halyq Respýblıkasynyń Almatydaǵy Bas konsýly Chjan Veı: «AÓSShK-niń qurylýy egemendikti, teńdik pen aýmaqtyq tutastyqty saqtaý, ishki saıasatty qurmetteý jáne halyqaralyq qatynastardyń negizgi normalary retinde janjaldardy beıbit jolmen retteý syndy beıbitshilik pen yntymaqtastyqtyń negizgi maqsattaryn anyqtap berdi. Ulttyq quramy, dinı kózqarasy, saıası júıeleri, tarıhy men mádenıeti, geografııalyq ortasy jáne basqa da aspektiler boıynsha úlken aıyrmashylyqtary bar elder úshin uıym bolashaqta Azııanyń qaýipsizdigi men damýyn qamtamasyz etýde mańyzdy ról atqaratyn bolady», - dedi ol.
Konferentsııa sheńberinde AÓSShK halyqaralyq birden-bir forým retindegi róli men Azııadaǵy qaýipsizdik pen seriktestik jónindegi suraqtar, jahandaný talaptaryna saı jańa syn-tegeýrinderdiń ózekti máselelerin sheshý men olarǵa jaýap izdeý jolynda memleketterdiń birigip áreket etýindegi halyqaralyq ınstıtýttardyń mańyzdylyǵyn arttyrý máseleleri qarastyrylady.
Sondaı-aq, sharada AÓSShK Hatshylyǵynyń Atqarýshy dırektory Gýn Tszıanveı, ıÝNESKO bıýrosynyń dırektory Krısta Pıkkat jáne basqa da BUU turaqty ókilderiniń baıadamalary tyńdalyp, Qazaqstan Respýblıkasynyń Syrtqy ister mınıstri Qaırat Ábdirahmanovtyń arnaıy quttyqtaý haty oqyldy.
Eske sala keteıik, Azııadaǵy ózara yqpaldastyq jáne senim sharalary jónindegi keńesti shaqyrý ıdeıasyn Qazaqstan Prezıdenti N.Nazarbaev alǵash ret 1992 jyly 5 qazanda BUU-nyń Bas Assambleıasynyń 47-shi sessııasynda kótergen bolatyn.
Foto akorda.kz
