Almatyda «Azııa oıyndaryna - 1 jyl qaldy!» uranymen sporttyq sharalar ótpek
Y. Qańtardyń 27-si. QazAqparat /Ádilet Musahaev/ - Almaty qalasy ákimdiginiń qoldaýymen 30-shy qańtar kúni qala turǵyndary men qonaqtaryna Medeý muz aıdynynda kópshilik sharasy uıymdastyrylady,
dep habarlaıdy QazAqparat Almaty qalasynyń «2011 jylǵy qysqy Azııa oıyndary dırektsııasyna» silteme jasap.
Qazaqstan óz tarıhynda alǵash ret qysqy Azııa oıyndaryn ótkizý múmkindigin aldy. Endi bir jyldan keıin Azııa memleketteri 7-shi qysqy Azııa oıyndarynda bas qosady. Osyǵan oraı sport, týrızm jáne dene shynyqtyrý, jastar saıasaty isi jónindegi basqarmalar birneshe sporttyq is-sharalar Medeý men Turan ýnıversıtetinde ótkizilmek. «Azııa oıyndaryna - 1 jyl qaldy!» uranymen stýdentterdiń ýnıversıtetishilik qysqy spartakıadasy, voleıbol, fýtboldan jarystar men taǵy basqa sharalar júrgiziledi.
Sondaı-aq, jastarǵa salaýatty ómir saltyn nasıhattaý maqsatynda qalamyzdyń barlyq aýdandarynda qysqy sport túrlerin nasıhattaý is-sharalary ótedi. Mysaly, Áýezov aýdanynda 4 muz aıdyny, Jetisý aýdanynda 1 muz aıdyny kópshilik úshin «Azııada tynysy» jumys jasaıtyn bolady. Bul aıdyndardyń ereksheligi, olardyń barlyǵy Azııada-2011 stılıstıkasynda bezendirilgen. Bul muz aıdyndary tek, qańtardyń 30-y kúni saǵat 10-nan 18-ge deıin jumys isteıtin bolady.
