Almatyda Azııa kýbogy kezinde avtokólik joldary jabylady
ALMATY. QazAqparat - Almatyda Trıatlon boıynsha Azııa kýbogyn ótetin kúnderi Saıran kóliniń mańyndaǵy avtomobıl joldary jabylady. Bul týraly qala ákimshiliginiń baspasóz qyzmeti málim etti, dep habarlaıdy QazAqparat tilshisi.
3-5 tamyz aralyǵynda Trıatlonnan Azııa kýbogy jáne QR Chempıonaty kezinde velokezeń ótetin jerlerdegi kólik joldarynda qozǵalys ishinara shekteledi.
«3 tamyzda jattyǵý kezinde saǵat 13.00-den 15.30-ǵa deıin Tóle bı kóshesiniń boıy (ońtústik jaǵy) N.Tilendıev kóshesinen bastap Ótegen batyr kóshesine deıin jabylady. Soltústik jaǵy avtokóliktiń qozǵalysy úshin ashyq bolady.
Ótegen batyr kóshesiniń boıynda Tóle bı kóshesinen bastap Jubanov kóshesine deıingi qozǵalys shekteledi. Barlyq qozǵalys jolaqtary tolyǵymen jabylatyn bolady.
4 tamyzda jarys kezinde saǵat 05.00-den 13.00-ge deıin Tóle bı kóshesi boıy (ońtústik jaǵy) N.Tilendıev kóshesinen bastap Ótegen batyr kóshesine deıin jabylady. Soltústik jaǵy avtokólik qozǵalysy úshin ashyq bolady.
Ótegen batyr kóshesiniń boıynda Tóle bı kóshesinen bastap A.Jubanov kóshesine deıingi qozǵalys shekteledi. Barlyq qozǵalys jolaqtary tolyǵymen jabylatyn bolady.
5 tamyzda jarys kezinde saǵat 06.00-den 15.00-ge deıin Tóle bı kóshesiniń boıy (ońtústik jaǵy) N.Tilendıev kóshesinen bastap Ótegen batyr kóshesine deıin jabylady. Soltústik jaǵy avtokóliktiń qozǵalysy úshin ashyq bolady.
Ótegen kóshesiniń boıynda Tóle bı kóshesinen bastap Abaı dańǵylyna deıin qozǵalys toqtaıdy. Barlyq qozǵalys jolaqtary tolyǵymen jabylatyn bolady.
Abaı dańǵylynyń boıy Ótegen batyr kóshesinen bastap Saıyn kóshesine deıin (soltústik jaǵy) jabylady. Ońtústik jaǵy avtokóliktiń qozǵalysy úshin ashyq bolady.
«Trıatlonnan Azııa kýbogy jáne Qazaqstan Respýblıkasynyń Chempıonaty Almatyda alǵashqy ret ótedi. Jarysqa jerlesterimiz ǵana emes, 20-dan astam elden sportshylar keldi. Osyndaı aýqymdy oqıǵalar úshin joldardy jabý - bul álemdik tájirıbe. Biz kóliktiń qozǵalysyn qıyndatpaý úshin, joldardy jabý aýmaǵymen ýaqytyn barynsha azaıtýǵa tyrystyq. Turǵyndar túsinistik tanytady dep úmittenemiz jáne demalys kúnderi baǵyttaryn aldyn ala josparlap alýyn suraımyz», -dedi ákimdik baspasóz qyzmetinen.
