Almatyda «Azııa - Eýropa jolyndaǵy logıstıkanyń róli» atty halyqaralyq konferentsııa ótedi
ASTANA. Qańtardyń 25-i. QazAqparat /Arman Asqarov/ - Qańtardyń 29-y kúni Qazaqstannyń Eýropadaǵy qaýipsizdik jáne yntymaqtastyq uıymyna tóraǵalyǵy aıasynda Almaty qalasynda «Azııa - Eýropa jolyndaǵy logıstıkanyń róli» atty halyqaralyq konferentsııa ótkizý josparlanyp otyr.
Bul týraly búgingi brıfıng barysynda QR Syrtqy ister mınıstrliginiń resmı ókili Asqar Ábdirahmanov málim etti, dep habarlaıdy QazAqparat.
Konferentsııaǵa Kólik jáne kommýnıkatsııa mınıstri Ábilǵazy Qusaıynov, Qazaqstannyń Syrtqy ister mınıstrligi, Qarjy mınıstrliginiń Kedendik baqylaý komıtetiniń ókilderi, Qazaqstan, Lıtva, Táýelsiz memleketter dostastyǵy jáne basqa da shet elderdiń iskerlik toptary qatysady dep kútilýde.
Іs-sharanyń negizgi maqsaty - memleket, bıznes jáne sarapshylar arasynda Eýropadaǵy qaýipsizdik jáne yntymaqtastyq uıymy aımaǵynda halyqaralyq kólik dálizderin damytý boıynsha pikir alysyp, naqty isterge jol ashý.
Konferentsııanyń uıymdastyrýshylary - «JURA MORE SEA» halyqaralyq bıznes jýrnaly jáne «TL Nika Group» lıtvan-qazaq kompanııalar toby.
