Almatyda Azıadanyń 7 baspasóz ortalyǵy bir ýaqytta jumysyna kirisedi
ALMATY. 22 qańtar. QazAqparat - /Ádilet Musahaev/ - 24 qańtardan bastap Almatydaǵy Qysqy Azıada oıyndary ótetin sport nysandarynyń barlyǵynda 7 baspasóz ortalyǵy bir ýaqytta jumysyn bastaıdy.
Al basty ortalyq Almaty Towers ǵımaratynda ornalasqan. Bul jaıynda 7-qysqy Azıada oıyndarynyń ádistemelik uıymdastyrý komıteti departamentiniń dırektory Nurlan Nurǵazın málim etti.
Onyń aıtýynsha, baspasóz ortalyǵynyń basty mindeti 2011 jylǵy 7-qysqy Azııa oıyndary kezinde árbir tirkelgen BAQ ókilin jedel aqparatpen qamtamasyz etý.
Sondaı-aq ol Astana men Almaty qalalary boıynsha 1200 oryndyq 12 baspasóz ortalyǵy jumys isteıtindigin aıtady. «Basty 2 ortalyq táýlik boıy qyzmet kórsetetin bolady, qalǵandary tańǵy saǵat 09-dan keshki 22:00 deıin jumys isteıdi», - deıdi N.Nurǵazın.
Tehnıkalyq jaǵyn kompıýterlik tehnıkany jabdyqtaýshy «Imanali» JShS-si men «Qazaqtelekom» qamtamasyz etedi.
