Almatyda Azıada oıyndarynyń bıletteri satyla bastady
ALMATY. 2 qarasha. QazAqparat /Erbol Turymbetov/ - 1 qarashadan bastap Almatyda Azıada oıyndarynyń bıletteri satyla bastady. Onyń quny el turǵyndarynyń qaltasy kótererlikteı etip bekitildi.
Bıletter quny orta eseppen alǵanda 5-10 AQSh dollary aralyǵynda bolady. Al jartylaı fınal men fınaldyq jarystarǵa arnalǵan bıletter quny - 15-30 dollarǵa baǵalanyp otyr. Azıadanyń ashylý jáne jabylý saltanatyna qatysý bıletiniń quny orta eseppen 75 dollar turady.
Eskere ketetin bir másele, jarysqa 3 jasqa deıingi balalar tegin kirgiziledi. Sondaı-aq balalar úıiniń tárbıelenýshileri men múgedekterge arnaıy tegin bılet qarastyrylǵan. Olarǵa bul jeńildik syılyq retinde úlestiriledi. Sonymen birge, arnaıy mýltbıletter ázirlendi. Ony satyp alatyn bolsańyz, sporttyń bir túrinen ótetin jarystyń bárine sol bıletpen kirýge múmkindik alasyz. Onyń baǵasy - 10-15 paıyzǵa tómen.
