Almatyda «Azıada-2011» qysqy olımpıada oıyndaryna arnalǵan balalar shyǵarmashylyǵynyń baıqaý-kórmesi boldy
ALMATY. 13 Jeltoqsan. QazAqparat /Názıra Eleýhan/- Búgin Almatyda «Birligimiz jarasqan!» respýblıkalyq aktsııa aıasynda «Praım plaza» oıyn-saýyq ortalyǵynda Táýelsizdik kúni merekesine oraı jáne «Azıada-2011» qysqy olımpıada oıyndaryna arnalǵan «Qys qyzyǵy» dep atalatyn balalar shyǵarmashylyǵynyń baıqaý-kórmesi bolyp ótti.
Áýezov aýdandyq bilim basqaramasy men №28 balabaqshanyń uıymdastyrýymen ótken kórmege Áýezov aýdanynyń 36 bala baqshada tárbıelenip jatqan balalardyń «Azıada» oıyndaryna arnap salǵan 80-ge jýyq sýretteri qoıylǵan.
«Balalar sýretteri - balanyń ishki áleminiń beınesi bolyp tabylady. Biz búgingi táýelsiz elimizdiń ulandarynyń elimiz úshin mańyzdy bolyp tabylatyn «Azıada» olımpıadasy jaıyndaǵy kózqarasyn bilý úshin búgingi sharany uıymdastyrdyq. Olar ózderiniń shyǵarmashylyq shabytymen sportshylarymyzǵa erekshe rýh beretinine senemin. Mundaı sharalar jas urpaqtyń týǵan eline degen súıispenshiligin qalyptastyryp, ultjandy óskeleń urpaq tárbıeleýge yqpal eteri sózsiz»,-dedi Áýezov aýdandyq bilim bóliminiń bas mamany Baqyt Tájinova.
Barlyq jeńimpazdar baǵaly syılyqtarmen jáne arnaıy dıplomdarmen marapattaldy.
