Almatyda ajyrasatyn otbasylyq juptar kóbeıgen
ALMATY. QazAqparat - Almatyda 2017 jyly 7000 jýyq otbasy ajyrasýǵa aryz bergen. Bul ótken jylmen salystyrǵanda 13 %-ǵa artyq kórsetkish, dep habarlaıdy QazAqparat tilshisi Óńirlik kommýnıkatsııalar qyzmetiniń baspasóz qyzmetine silteme jasap.
«2017 jyly qalanyń AHAT organdarynda 17,2 myń juptyń nekesi tirkelse, olardyń 6,7 myńy ajyrasyp ketken. Ótken jylmen salystyrǵanda tirkelgen neke sany 3,1%-ǵa, ajyrasý 13,2%-ǵa artqan», - dedi qalalyq Statıstıka departamentiniń basshysy Baǵlan Qarǵulov.
Departamenttiń málimeti boıynsha, 2018 jyldyń 1 qańtaryndaǵy jaǵdaı boıynsha, Almatyda 1 mln 801 adam turatyny anyqtaldy. Halyq sany ótken jylǵymen salystyrǵanda 2,9%-ǵa artqan.
