Almatyda azamattyq nekedegi kúıeýi áıelin soqqyǵa jyqqan
ALMATY. QazAqparat - Almatyda azamattyq nekedegi kúıeýi áıelin aıaýsyz soqqyǵa jyqqan, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, otbasylyq zorlyq-zombylyq týraly polıtsııaǵa kórshileri habarlaǵan. Turǵyndar kúıeýi áıelin jıi uratynyn aıtqan. Otbasynda úsh bala bar.
«1986 jyly týǵan A. esimdi kelinshek azamattyq nekedegi kúıeýiniń ústinen aryz jazdy. Atalǵan fakti boıynsha ýchaskelik ınspektor QR Ákimshilik quqyq buzýshylyq týraly kodeksiniń 73-2 baby, 1-1 bóligi boıynsha ákimshilik materıal jınady jáne sotqa jiberdi», - dep málim etti polıtsııadan.
Zardap shekken áıel, alǵan jaraqattarynyń aýyrlyq dárejesin anyqtaıtyn sot-medıtsınalyq saraptamadan bas tartty.
