Almatyda «Azamattyq bastamalar úshin jańa medıa» trenıngi ótedi

   ALMATY. 6 qańtar. QazAqparat /Erlik Erjanuly/ - Almatyda 27-28 qańtar men 10-11 aqpan kúnderi úkimettik emes uıymdardyń ókilderine arnalǵan «Azamattyq bastamalar úshin jańa medıa» trenıngi bolady.

 Ony Qazaqstandaǵy AQSh Elshiliginiń qoldaýmen «Medıa standarttar ınstıtýty» qoǵamdyq qory uıymdastyryp otyr.

Oǵan qatysýshylar blog, mıkroblog,  foto jáne beıne servısterdiń múmkindigi men olardy qoldaný týraly jan-jaqty maǵlumat alady. Sondaı-aq   úzdik qatysýshylarǵa shaǵyn kameralar beriledi dep josparlanýda.  Bul shara odan keıin Taldyqorǵan, Taraz jáne Qaraǵandy qalalarynda da uıymdastyrylmaq.

Qazirgi tańda ǵalamtor aýdıtorııasy Qazaqstanda 5 mıllıon adamnan asyp otyr. Jelilerde olar bir-birimen tanysyp, ózara aqparat almasýda. Olar onda  áriptester men bastamalardy qoldaıtyn donorlar tabýǵa múmkindik alyp otyr.