Almatyda azamattardyń dinı senim bostandyǵy jóninde respýblıkalyq semınar ótti
ALMATY. 12 qarasha. QazAqparat /Erbol Turymbetov/ - Búgin Almaty qalasynyń ákimdiginde azamattardyń dinı senim bostandyǵyn qamtamasyz etý máseleleri boıynsha respýblıkalyq semınar bolyp ótti.
Sharany «Perspektıva» aqparattyq keńestik top» qoǵamdyq qory QR Mádenıet mınıstrligi jáne Almaty qalasy ákimdigimen birlese uıymdastyrdy. Semınardyń maqsaty tájirıbeler almasý men azamattardyń dinı senim bostandyǵyn tıimdi qorǵaıtyn birlesken strategııalar usynýǵa baǵyttalǵan. Jıyn jalǵan dinı uıymdar áreketterinen japa shegýshilermen jumys isteıtin pedagogıkalyq jáne ǵylymı qaýymdastyq ókilderine, sarapshylar men basqa da ÚEU ókilderine arnaldy.
Shara barysynda qatysýshylar uıymdastyrý men aqparatty-nasıhattaý jáne keńes berý jumystary jóninde tájirıbeler almasty. Sonymen qatar, stýdent jastar arasyndaǵy túrli sektalarǵa tartylýshylyq oqıǵalary kóp kezdesetin aýmaqtarda túsinikteme jumystaryn júrgizý úshin birlesken jospar qurý jóninde kelisim jasasty.
