Almatyda az qamtylǵan otbasynan shyqqan balalarǵa arnalǵan 500 úıirme ashyldy

ALMATY. QazAqparat – Almatyda az qamtylǵan otbasylardan shyqqan balalarǵa arnalǵan demalys ortalyqtarynda 500 úıirme ashylyp, 155 myńnan astam adam qamtylǵan. Bul týraly Almaty qalasy ákimdiginiń baspasóz qyzmeti, málim etti, dep habarlaıdy QazAqparat tilshisi.

Demalys ortalyqtarynda sheberlik synyptary, baıqaýlar, týrnırler, jarystar, estafetalar, tárbıe saǵattary, profılaktıkalyq áńgimeler, kezdesýler, kórmeler, ekskýrsııalar, saıahattar men aktsııalar túrinde ártúrli formattaǵy is-sharalar ótkiziledi.

Respýblıka kúni qarsańynda áleýmettik osal toptaǵy otbasylardan shyqqan jasóspirimderge Sharyn shatqaly men Kólsaı kóline ekskýrsııa uıymdastyryldy. Ekskýrsııaǵa 100-den astam jasóspirim qatysty.

Tegin týrdy Almaty qalasynyń Jastar saıasatyn damytý memlekettik qory uıymdastyrdy.

«Bul bıylǵy jylda besinshi týr boldy. Mundaı týrlar demalys ortalyqtarynda tárbıelenetin 12-29 jas arasyndaǵy tárbıelenýshilerge tegin. Kelesi jyly da 5 ekskýrsııalyq týr ótkizý josparlanýda»,- dep habarlady Almaty ákimdigi.