Almatyda aıyrbastaý pýnktinen 6 mln teńgeni urlaǵan qaraǵandylyq ustaldy
ASTANA. QazAqparat - Qazaqstan ІІM resmı ókili Almas Sadýbaev brıfıng barysynda elimizdiń birqatar óńirlerinde qylmyskerlerdiń ustalǵanyn málim etti, dep habarlaıdy QazAqparat vedomstvonyń baspasóz qyzmetine silteme jasap.
A.Sadýbaev atap ótkendeı, istegen qylmysy úshin bultartpas jaza taǵaıyndaý jáne zańnyń ústemdik etýi - polıtsııanyń eń mańyzdy qaǵıdalarynyń biri. Osylaısha Pavlodar oblystyq ІІD krımınaldyq polıtsııa qyzmetkerleri 2014 jyly oblys aýmaǵynda adam ólimine qatysy bar, memleketaralyq izdeýde júrgen qylmyskerdi qolǵa túsirgen.
Almatyda Qaraǵandy oblystyq ІІD jedel qyzmetkerleri bıyl sáýirde aıyrbastaý pýnktine shabýyldap, sheteldik valıýtadaǵy jalpy somasy 6 mln teńgeni urlap ketken qaraǵandylyqty ustady.
Shymkentte qaladaǵy JShS-lardyń birinde menedjerden 15 mln teńge somasyndaǵy qarjyny tartyp alý kezinde kómekke kelgen jumysshyny pyshaqtaǵan jergilikti turǵyn qolǵa túsken.
