Almatyda aıyppuly tólenbegen kólikter aıyp turaǵyna qoıylyp jatyr
ALMATY. QazAqparat – Almaty polıtsııasy aıyppul tólemegen júrgizýshilerdiń múlkin tárkilep, aıyp turaǵyna qoıý sharasyn jalǵastyryp jatyr, dep habarlaıdy QazAqparat tilshisi.
Qalalyq polıtsııa «Boryshker» jedel profılaktıkalyq aktsııasyn bastap ketti. Bul aktsııanyń maqsaty - ákimshilik ister boıynsha zańbuzýshylyqtyń aldyn alý, qordalanǵan aıyppuldy óndirý.
«Polıtsııa qyzmetkerleri prokýratýra mamandarymen birge «POTOK-M» mobıldi keshenin qoldana otyryp, ákimshilik aıyppul tólemeı júrgen júrgizýshilerdi anyqtaı bastady. Algorıtm boıynsha bul kólik ıesinen tárkilenip alynyp, aıyp turaǵyna qoıylady. Tek kólik ıesi aıyppuldan qutylǵan jaǵdaıda ǵana kólikter qaıtarylady» - dedi polıtsııa departamentiniń ákimshilik polıtsııa basqarmasynyń basshysy Jandos Muratalıev.
