Almatyda aıyppul tólemegen boryshkerlerdi izdestirý sharasy júrip jatyr
ALMATY. QazAqparat – Almatyda aıyppuldaryn tólemegen azamattardy anyqtaýǵa arnalǵan «Boryshker» sharasy ótip jatyr, dep habarlaıdy QazAqparat tilshisi.
Іs-shara aıasynda megapolıs aýmaǵynda ákimshilik aıyppuldar boıynsha boryshkerler, kólik quralyn basqarýǵa quqyǵy joq tulǵalar, sondaı-aq jalǵan nómir taqqan kólik júrgizýshiler anyqtaldy.
«Ákimshilik quqyq normalaryna sáıkes, azamattar ákimshilik aıyppuldy 7 kún ishinde 50% jeńildikpen tóleýge quqyly. Quqyq buzýshylarǵa hattamamen birge aıyppul somasynyń 50% -y kórsetilgen túbirtek usynylyp ony tóleýdiń tártibi túsindiriledi «, - dedi Almaty qalalyq PD ákimshilik polıtsııa basqarmasynyń bastyǵy Jandos Muratalıev.
Qazirgi ýaqytta polıtsııa qyzmetkerleri elektrondy planshettiń kómegimen boryshkerlerge aıyppuldy ýaqtyly tóleý qajettiligi týraly habarlama taratýda.
