Almatyda aıyppul salmaıdy, aıypgúl syılaıdy
ALMATY. 7 naýryz. QazAqparat - Almatyda Jol polıtsııasy basqarmasy men «Sentras Inshýrans» saqtandyrý kompanııasynyń 8 Naýryz halyqaralyq áıelder kúni merekesine oraılastyrylǵan jol-kólik oqıǵalaryn aldyn-alýǵa arnalǵan birikken aktsııasy ótip
jatyr.
Aktsııa aıasynda Jol polıtsııa qyzmetkerleri men saqtandyrý kompanııasynyń ókilderi búgin kúni boıy qala kóshelerinde kezekshilik jasap, jol júrý erejelerin buzǵan arýlardy toqtatatyn bolady. Biraq, aıyppuldyń ornyna názik jandylarǵa eskertý jasalyp, merekelik syılyqtar men gúlder tartý etiletin bolady.
Almaty qalasy Jol polıtsııasy basqarmasynyń bastyǵy, polıtsııa polkovnıgi Arman Sarbasovtyń aıtýynsha, názik jandylar kólikti er adamdarǵa qaraǵanda jaqsy júrgizedi jáne iri jol ereje buzýshylyqtaryn jasamaıdy.
Búgin aktsııa aıasynda, sondaı-aq, qoǵamdyq kóliktiń, tramvaı, trolleıbýstyń júrgizýshilerine gúl shoqtary tabys etildi.
Aktsııa 8 naýryz kúni de bolady.
Búginde Almatyda tranzıtti kólikterdi eseptemegende 700 myńnan asa kólik tirkeýde tur. Onyń úshten birin názik jandylar júrgizedi eken.
