Almatyda aıtys ótti (FOTO)
ASTANA. QazAqparat - Búgin, 22 naýryzda Almaty qalasyndaǵy Á.Joldasbekov atyndaǵy stýdentter saraıynda «Nur Otan» partııasynyń qoldaýymen QR Táýelsizdiginiń 25 jyldyǵy men Almaty qalasynyń 1000 jyldyǵyna arnalǵan «Myń jasaǵan shahar» halyqaralyq aqyndar aıtysy bolyp ótti.
Aıtystyń maqsaty - Alataý baýraıyndaǵy ásem qala Almatynyń 1000 jyldyq mereıtoıyn jyrlaý. Bul ataýly oqıǵa ıÝNESKO kóleminde atalyp ótilmek.
Ulystyń Uly kúni ótken aıtysqa Rústem Qaıyrtaı, Iranǵaıyp Kúzembaev, Aspanbek Shuǵataev, Nurlan Musaev, Oljas Otar, Jansaıa Mýsına, Meıirbek Sultanhan jáne basqa da elimiz ben Mońǵolııa, Qyrǵyzstan syndy jaqyn shetel elderiniń aıtysker aqyndary qatysyp, baǵyn synady.
Aqyndar aıtysynyń ashylý saltanatyna «Nur Otan» partııasy Tóraǵasy Birinshi orynbasarynyń keńesshisi Berik Ýálı qatysyp, quttyqtaý sóz sóıledi. Ol jınalǵan qaýymdy tól mereke - Naýryz meıramymen quttyqtaı kele, osynaý mereıli kún qarsańynda ótken QR Parlamenti Májilisiniń jáne barlyq deńgeıdegi máslıhat depýtattarynyń saılaýynda «Nur Otan» partııasynyń aıqyn jeńiske qol jetkizgeni - Qazaqstandyqtardyń halyqtyń birligi, eldiń turaqtylyǵy jáne halyqtyń jasampazdyǵy sekildi máńgilik qundylyqtar úshin daýys bergeniniń nyshany ekenin atap ótti.
Sondaı-aq B.Ýálı partııanyń qazaq tili men mádenıetin, salt-dástúrin saqtaý jáne damytý máselelerine aıryqsha basymdyq beretinin aıta kele, rýhanı qundylyqtardy dáripteý baǵytyn partııa aldaǵy ýaqytta da ustanatynyn aıtty.
Aıta ketetini, qazylar alqasy quramynda «Aıqyn» gazetiniń bas redaktory Nurtóre Júsip, Sh.Ýálıhanov atyndaǵy tarıh jáne etnologııa ınstıtýtynyń dırektory Hangeldi Ábjanov, QR halyq artısi Esmuhan Obaev, jazýshy, «Qurmet» ordeniniń ıegeri Smaǵul Elýbaı, QR Eńbek sińirgen qaıratkeri Aqan Abdýalıev bar.
Aıtysty ádettegideı elimizdiń tanymal aqyny, M.Maqataev atyndaǵy syılyqtyń ıegeri, halyqaralyq «Aıtys aqyndar men jyrshy-termeshiler» odaǵynyń basqarma tóraǵasy, QR Eńbek sińirgen qaıratker Júrsin Erman júrgizdi.
