Almatyda Aıman Musaqojaeva men Eleonora Naqypbekovanyń kontserti ótti
Y. Qarashanyń 11-i. QazAqparat /Názıra Eleýhan/ -Almatyda alǵash ret QR halyq ártisi, Memlekettik syılyqtyń ıegeri, álem ártisi sanalatyn skrıpkashy Aıman Musaqojaeva men Ulybrıtanııa eliniń tanymal mýzykanty Eleonora Naqypbekova qandasymyzdyń «Eki juldyz» atty kontserti boldy,
dep habarlaıdy QazAqparat.
Klassıkalyq ónerdi baǵalaýshylar olardyń ónerin ystyq yqylaspen qabyldady.
«Birigip kontsert uıymdastyrý ıdeıasy bıyl London qalasynda týdy. Ideıany Eleonora usyndy. Biz alǵashqy daıyndyqtan-aq bir-birimizdi túsinip, birge oınaýda úılesimdilik taba bildik. Bizdiń dýetti sátti dep sanaımyn, óıtkeni oryndaýshylarǵa kóp jaǵdaıda áriptes tabý jaǵy qıynǵa soǵyp jatady. Buǵan deıin alǵashqy kontsertterimiz Astana men Qaraǵandyda ótti, endi Aqtaý, Atyraý, Oral jáne taǵy da basqa qalalarda kontsert qoıýdy josparlap otyrmyz. Sonymen qatar, osy jyly 6-shy ret óteıin dep jatqan Kazah-GALA kontsertinde ekeýmiz taǵy da birge óner kórsetetin bolamyz», deıdi A. Musaqojaeva.
E. Naqypbekovanyń aıtýynsha, dástúrge aınalǵan «Kazah-GALA» bıyl da Táýelsizdik merekesi qarsańynda uıymdastyrylatyn bolady. «Kontsert London qalasynyń eń ásem saltanatty zalynda ótedi. Onyń dırıjeri - Marıýs Stravınskıı», dedi ol.
