Almatyda aımaqtyq qaýipsizdik týraly Jazǵy mektep ótedi
ALMATY. Shildeniń 19-y. QazAqparat /Erlik Erjanuly/ - Almatyda shildeniń 20-31 kúnderi «AQSh, NATO jáne Ortalyq Azııa elderiniń aımaqtyq qaýipsizdik salasyndaǵy yntymaqtastyǵy» degen atpen 7-shi Jazǵy mektep ótedi,
dep habarlaıdy QazAqparat.
Dástúrli túrde jyl saıyn ótetin bul sharany Amerıkandyq jáne demokratııalyq zertteýler resýrstyq ortalyǵy, Qazaqtyń ál-Farabı atyndaǵy ulttyq ýnıversıteti janyndaǵy NATO-nyń Resýrstyq jáne aqparattyq ortalyǵy, Nıý-Meksıka ýnıversıteti (AQSh) birigip uıymdastyrdy. Oǵan Qazaqstandaǵy AQSh elshiliginiń jáne NATO-nyń qoǵamdyq dıplomatııa departamenti (Belgııa) qoldaý kórsetip otyr. Oǵan 7 jyldyń ishinde 200-den astam jas zertteýshiler qatysty. Bıyl tyńdaýshy retinde Qazaqstan, Qyrǵyzstan, Ózbekstan, Tájikstan, Túrkimenstan, Aýǵanstan jáne Reseıden úzdik stýdentter, magıstranttar jáne doktoranttar shaqyrylyp otyr. Sondaı-aq alǵash ret bul sharaǵa amerıkandyq stýdentter qatyspaq. Onda AQSh pen Qazaqstan ýnıversıtetteriniń, ǵylymı-zertteý ınstıtýttary men ortalyqtarynyń áıgili sarapshylary dáris júrgizedi dep josparlanýda.
