Almatyda Aıgúl Imanbaevanyń jeke teatry quryldy
ALMATY. 14 aqpan. QazAqparat /Erlik Erjanuly/ - Almatyda teatr akteri, ánshi Aıgúl Imanbaevanyń jańadan qurylǵan «A.I» dep atalatyn jeke teatrynda «Medeıa» dep atalatyn jańa qoıylymnyń tusaýkeseri ótip jatyr.
«Qazaqtyń Ǵabıt Músirepov atyndaǵy memlekettik akademııalyq balalar men jasóspirimder teatrynda ótip jatqan bul shara Aıgúl Imanbaevanyń jeke jobasy. Aıgúl sahnadaǵy dramalyq aktrısa retinde basqa da qyrlaryn «Medeıamen» kórsetkisi kelip otyr. Frantsýzdyń uly dramatýrgy Jan Anýıdyń bul tragedııasyn aýdarǵan Óten Ahmet. Ony qoıǵan Jambyl oblystyq teatrynyń bas rejısseri, qazaq teatrynda óz qoltańbasy, baǵyt-baǵdary bar Qýandyq Qasymov. Bul qazaq teatrlarynda áli bolmaǵan jańa qubylys bolyp otyr», deıdi Qazaqtyń Ǵabıt Músirepov atyndaǵy memlekettik akademııalyq balalar men jasóspirimder teatrynyń dırektory jáne kórkemdik jetekshisi Talǵat Temenov.
«Jeke teatrdyń ashylýyn eleýli oqıǵa dep qabyldaý kerek. Aıgúl kásibı deńgeıdegi aktrısa. «Medeıaǵa» barýynyń ózi, menińshe, aktrısanyń úlken bir júrektiligin kórsetedi. Qoıylym tabysty ótti dep oılaımyn. Úsh adamnyń 2 saǵat boıy kórermendi sahnadaǵy oıynǵa uıytýy - jetistik. Rejısserlik, kórkemdik úılesimdik jarasyp tur», - Qazaqtyń Muhtar Áýezov atyndaǵy memlekettik akademııalyq drama teatrynyń dırektoy jáne kórkemdik jetekshisi Esmuhan Obaev.
