Almatyda áıgili túrik pıanısi Gúlsin Onaıdyń jeke kontserti bolady

Prezıdenttik sımfonııa orkestriniń solısi, Bılkent ýnıversıteti artısiniń bul kontserti odan keıin 26 qazanda Astanadaǵy Qazaq ulttyq óner ýnıversıtetinde jalǵaspaq. Ony Qazaqstandaǵy Túrkııa elshiligi men Qazaqstan-Túrkııa isker adamdar qoǵamy uıymdastyryp otyr.

3,5 jastan bastap mýzykamen shuǵyldana bastaǵan Gúlsin Onaı 6 jasta alǵashqy kontsertin fortepıanomen Túrik radıo jáne teledıdar qoǵamynyń Ystambul radıosynda berdi. 12 jasynan bastap oqýyn Frantsııada jalǵastyrǵan ol 16 jasynda Parıj konservatorııasynyń joǵarǵy bólimin fortepıano boıynsha alǵan alǵashqy júldesimen bitirip shyqqan bolatyn. Margarıta Long, Jak Tıbo (Parıj) jáne Ferrýchıo Býskonı (Bolzano) atyndaǵy jáne taǵy basqa da kóptegen halyqaralyq baıqaýlarda júldeger atanǵan G. Onaıdyń 20-ǵa jýyq albomy jaryq kórdi. 1987 jyly «Memlekettik óner adamy» ataǵyn, 1988 jyly Bogazıchı ýnıversıtetiniń, 2007 jyly Hadjettepe ýnıversıtetiniń qurmetti doktory ataqtaryn aldy. Túrkııada jáne shetelderde kóptegen qaıyrymdylyq kontsertterin bergeni úshin 2003 jyly ıÝNISEF-tiń Túrkııadaǵy ulttyq komıteti tarapynan «Erikti izgi nıet elshisi» atandy. 2007 jyly «Sevda-Djenap jáne mýzyka» qorynyń altyn belgisimen, al bıyl klassıkalyq mýzyka salasynda «Eń úzdik pıanıst» retinde Donıtsettı atyndaǵy syılyqpen marapattaldy. Onyń Maıamıdegi fortepıano festıvalindegi jeke kontsertin amerıkandyq VAI fırmasy "Gülsin Onay Live in Recital" degen atpen bıyl aqpanda, al Grıg jáne Sen-Sans kontsertterin 2009 jyldyń naýryz aıynda "Gülsin Onay in Concert" degen atpen jaryqqa shyǵardy.