Almatyda áıgili brıtandyq «Bıtlz» toby men Djon Lennonǵa arnalǵan festıval ótedi
; ALMATY. Tamyzdyń 10-y. QazAqparat /Erbol Azanbek/ - Tamyzdyń 30-y kúni Almatyda áıgili brıtandyq «Bıtlz» tobynyń 50 jyldyǵy men top múshesi Djon Lennonnyń 70 jyldyq mereıtoıyna arnalǵan festıval ótedi.
Festıval barysynda kıno men estrada juldyzdary, saıasatkerler men tanymal tulǵalar «Bıtlz» repertýarynan 30 án oryndaıdy. Sharany uıymdastyrýshy «Tabıǵat» ekologııalyq odaǵy ókilderiniń aıtýynsha, Djon Lennon men onyń áıeli ekolog, sýretshi Ioko Ono ekologııanyń janashyrlary bolǵan. Sondyqtan «tabıǵattyqtar» elimizdegi Aral, Balqash, Sorbulaq, Ertis, Nura sý jáne áýe basseıniniń problemasyna festıval arqyly nazar aýdartýdy, sondaı-aq «Bıtlzdyń» áıgili múshesiniń istegen isteri negizinde ekologııany qorǵaýǵa shaqyrmaq. «Tabıǵattyqtar» bunymen qatar Almatyda Djon Lennon atyndaǵy alleıa ashýdy usynbaq. Buǵan deıin Lennonnyń esimi Kýbada, Chehııa, Japonııada, Reseıdiń Sankt-Peterbor qalasynda alleıa, áýejaı, gúlzar, kóshelerge berilgen bolatyn. Osy dástúrdi jalǵastyrǵysy kelgen «tabıǵattyqtar» alda ótkiziletin festıvaldi halyqaralyq deńgeıge shyǵarýdy jáne jylda ótkizýdi maqsat etpek.
