Almatyda áıeldiń basyn kesip alǵan kúdiktiniń isi sotqa joldandy

ALMATY. QazAqparat- Almatyda áıeldiń basyn kesip, bazarǵa aparyp tastaǵan kúdiktige qatysty qylmystyq is sotqa joldandy, dep habarlaıdy QazAqparat tilshisi.

«Aldyn ala tyńdaý 2 tamyz saǵat 16:00-ge belgilengen», - dep habarlady qalalyq sottyń baspasóz qyzmeti.

Eske salaıyq, 12 sáýir saǵat 08:40-te Sholohov kóshesindegi qaraýsyz qalǵan ǵımarattyń janynan áıeldiń máıiti tabylǵan bolatyn.

1976 jyly týǵan, turǵylyqty jeri joq, buryn esirtki qylmysy úshin birneshe ret sottalǵan áıeldiń basy kesip alynǵany belgili boldy.

Biraz ýaqyttan keıin sol mańdaǵy saýda oryndarynyń birinen máıittiń basy tabyldy.

Keıin 61 jastaǵy kúdikti er adam ustalyp, sot sanktsııasymen qamaýǵa alyndy.

Kúdikti jábirlenýshimen birneshe kúnnen beri tanys bolǵan, qylmys janjal kezinde jasalǵan.