Almatyda áıeldiń basyn kesip aldy degen kúdikpen er adam ustaldy
«Almaty qalalyq Polıtsııa departamenti Sholohov kóshesindegi saıabaqta máıiti tabylǵan áıeldi óltirdi degen kúdiktiniń ustalǵanyn habarlaıdy.
Sott sanktsııasymen 1962 jyly týǵan azamat I. qamaýǵa alyndy. Kúdiktiniń jábirlenýshimen birneshe kúnnen beri tanys bolǵany, qylmystyń janjal kezinde jasalǵany belgili boldy.
Qazir Almaty qalasy PD Tergeý basqarmasy QR Qylmystyq kodeksiniń 99-baby 2-bóligimen tergelip jatqan qylmystyq is aıasynda saraptamalar taǵaıyndady», - delingen habarlamada.
QR Qylmystyq protsessýaldyq kodeksiniń (QR QPK) 201-babyna sáıkes tergeý múddesine oraı ózge málimet jarııa etilmedi.
Polıtsııa eske salyp ótkendeı, QR Konstıtýtsııasynyń 77-baby 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, árbir adam sot úkimi zańdy kúshine engenge deıin qylmystyq quqyq buzýshylyq jasaýda kinásiz bolady.
Eske salaıyq, 12 sáýir saǵat 08:40-te 102 pýltine Sholohov kóshesindegi qaraýsyz qalǵan ǵımarattyń janynan áıeldiń máıiti tabylǵany týraly habarlama túsken bolatyn. 1976 jyly týǵan, turǵylyqty jeri joq, buryn esirtki qylmysy úshin birneshe ret sottalǵan áıeldiń basy kesilgeni anyqtaldy.
Biraz ýaqyttan keıin sol mańdaǵy saýda oryndarynyń birinen máıittiń basy tabyldy.