Almatyda áıeldi zorlaǵan úı-kúısiz er adam ustaldy
ALMATY. QazAqparat – Almatyda áıelge zorlyq kórsetkeni úshin izdeýde júrgen kúdikti ustaldy, dep habarlaıdy QazAqparat tilshisi.
Almaty oblystyq Polıtsııa departamentiniń habarlaýynsha, izdeýde júrgen qylmyskerdi Іle aýdandyq polıtsııa qyzmetkerleri ustaǵan.
«Kúdikti jaldamaly páterin aýystyrmaq bolyp, týysqanynyń úıine qonaqqa barǵanda ustaldy. Ol ýaqytsha oqshaýlaý ornyna qamaldy. Kúdiktini izdestirý jumystary Almaty oblystyq polıtsııa Departamenti basshysy Murat Urymhanovtyń jeke baqylaýynda boldy», - dedi oblystyq Polıtsııa departamentiniń baspasóz qyzmetinen.
Aıta ketý kerek, bul oqıǵa týraly Nemolchı.kz uıymy jarııalaǵan bolatyn. Atalǵan uıymǵa kómek surap kelgen boıjetken kóshedegi úısiz-kúısiz júrgen qańǵybastyń zorlap ketkeni týraly habarlaǵan.
