Almatyda áıeldi óltirip, basyn kesip alǵan kúdiktini qamaý merzimi uzartyldy

ALMATY. QazAqparat- Almatyda áıeldiń basyn kesip, bazarǵa aparyp tastaǵan kúdiktini qamaýda ustaý merzimi taǵy bir aıǵa uzartyldy, dep habarlaıdy QazAqparat tilshisi.

«Almatynyń mamandandyrylǵan aýdanaralyq tergeý sotynyń 12 shildedegi aqparaty boıynsha, sottyń qaýlysymen sotqa deıingi tergeý organynyń ótinishhaty qanaǵattandyryldy jáne I. esimdi er adamǵa qatysty qamaýda ustaý merzimin 4 tamyzǵa deıin uzartýǵa sanktsııa berý týraly ótinishi qanaǵattandyryldy»,- dep habarlady Almaty qalalyq sottyń baspasóz qyzmeti.

Eske salaıyq, 12 sáýir saǵat 08:40-te 102 pýltine Sholohov kóshesindegi qaraýsyz qalǵan ǵımarattyń janynan áıeldiń máıiti tabylǵan bolatyn.

1976 jyly týǵan, turǵylyqty jeri joq, buryn esirtki qylmysy úshin birneshe ret sottalǵan áıeldiń basy kesip alynǵany anyqtaldy.

Biraz ýaqyttan keıin sol mańdaǵy saýda oryndarynyń birinen máıittiń basy tabyldy.

Keıin 61 jastaǵy kúdikti er adam ustalyp, sot sanktsııasymen qamaýǵa alyndy.

Kúdiktiniń jábirlenýshimen birneshe kúnnen beri tanys bolǵany, qylmystyń janjal kezinde jasalǵany belgili boldy.