Almatyda áıeldi eki balasymen birge óltirgen kúdikti ustaldy

Polıtsııa qyzmetkerleri anasyn jáne onyń kámeletke tolmaǵan balalaryn óltirgen kúdiktini qolǵa túsirdi. Jedel-izdestirý is-sharasy barysynda 41jastaǵy Almaty qalasynyń turǵyny anyqtalyp, ustaldy, dep habarlaıdy QazAqparat tilshisi.

«Atalǵan derek Іle aýdandyq polıtsııa bóliminde QR QK 99-baby 2-bóliginiń 1-tarmaǵy (eki nemese odan da kóp adamdy óltirý) jáne 99-baby 3-bóligi (jas balany óltirý) boıynsha tirkeldi. Qazirgi ýaqytta barlyq qajetti saraptamalar taǵaıyndalyp, tergeý is-sharalary júrgizilýde», - dedi Almaty oblysy PD bastyǵy, polıtsııa polkovnıgi Baýyrjan Álenov.

Ustalǵan kúdikti ýaqytsha ustaý ızolıatoryna qamaldy.

«Kúdikti qylmystyń izin jasyrý maqsatynda úıdi órtep jibergen», - dep atap ótti B. Álenov.

Eske salaıyq, 14 qyrkúıek kúni Almaty oblysy Іle aýdanynyń Aşybulaq aýylyndaǵy úılerdiń birinen zorlyq-zombylyq belgileri bar K. esimdi azamatsha men onyń eki balasynyń máıiti tabylǵany týraly habarlaǵan bolatynbyz.