Almatyda áıelderdiń múmkindikterin arttyrý máselesi talqylandy
ALMATY. 11 naýryz. QazAqparat /Ádilet Musahaev/ - Almatydaǵy halyqaralyq «BUU-áıelder» uıymynyń keńsesinde 8 naýryz meıramyna 100 jyl tolýyna arnalǵan kezdesý ótti.
BUU 4 jyl boıy gender teńdigi máselesi men áıelder quqyǵy, olardyń múmkindikteriniń keńeıtilýi boıynsha jańa qurylym qurý jóninde jumys istep keledi. «BUU-áıelderi» BUU qorynyń quramynda áıelder jaǵdaıyn jaqsartýda halyqaralyq bilim jáne ǵylymı-zertteý ınstıtýttary, áıelder jaǵdaıyn jaqsartýdaǵy bólim bar.
Olardyń ustanǵan baǵyttarynda basshylyq etýshi áıelderdiń rólin nyǵaıtyp, olardyń tirshilik áreketiniń barlyq salasyna qatysýyn kúsheıtý, áıelderge qatysty zorlyqty joıý, áıelderdiń ekonomıkalyq múmkindikterin keńeıtý, gender basymdyqtaryn ulttyq josparlar men bıýdjetine qosý syndy máseleler bar.
Atalǵan jıynǵa Sotsıalıstik Eńbek Eri Vera Sıdorova, Qazaqstan tarıhynda alǵash elshi áıel atanǵan Aqmaral Arystanbekova qatysty.
