Almatyda áıelderdi tonap kelgen urylar ustaldy
ALMATY. QazAqparat - Almaty polıtsııasy tek qana áıelderdi tonap kelgen eki jigitti ustady, dep habarlaıdy QazAqparat tilshisi.
Olar kósheniń qarańǵylaý tusynda áıelderdiń sýmkasyn julyp alyp, qashyp ketip otyrǵan.
Ustalǵandardyń ústinen QR QK 191-baby boıynsha qylmystyq is qozǵaldy.
«20 jastaǵy OQO týmasy buryn 5 ret adam tonaǵan. Olar kósheniń qarańǵylaý tusynda áıelderdiń sýmkasyn tartyp alyp ádettengen. Sosyn tapqan «oljasyn» ol óz kádesine jaratyp otyrǵan. Ustalǵan ekinshi 32 jastaǵy jigit te buryn urlyq jasaǵany úshin jaýapkershilikke tartylǵan eken»,- dedi Almaly aýdandyq ІІB basshysy Danııar Mendebaev.
Polıtsııa osy adamdardyń áreketinen zardap shekkender bolsa 254-46-08, 254-46-12 telefondaryna habarlasýyn suraıdy.
