Almatyda áıelder úshin Ashyq esik kúni ótti (FOTO)
ALMATY. QazAqparat- Búgin Almatyda Dúnıejúzilik jatyr moıny obyrynyń aldyn alý aptalyǵy aıasynda «Almatynyń onkologııalyq ortalyǵy» memlekettik kásiporny men barlyq aýdandyq emhanalarda áıelder úshin Ashyq esik kúni ótkizildi.
«Búgin búkil álem boıynsha Dúnıejúzilik jatyr moıny obyrynyń aldyn alý aptalyǵy bastaldy. Ol aldaǵy 30 qańtarǵa deıin jalǵasady. Qazirgi tańda álem boıynsha jylyna 600 myńǵa jýyq, al Qazaqstan boıynsha jylyna 1700-ge jýyq áıel jatyr moıny obyryna shaldyǵady. Elimizde jylyna 700-deı áıel osy dertten kóz jumady. Sondyqtan bul óte ózekti másele. Al, Almatyda jylyna shamamen 140 áıel osy jatyr moıny dertine shaldyǵady. Ótken jyly qala boıynsha 30 myńǵa jýyq áıelden jatyr moınynyń qabyný úderisin anyqtadyq. ıAǵnı, bul qaterli isikke aınalý aldyndaǵy aýrý. Biz qabyný úderisiniń jatyr moıny obyryna aınalyp ketýine jol bermedik. Áıelderge tıisti em taǵaıyndaldy», - dedi osyǵan baılanysty ótkizilgen baspasóz brıfınginde «Almatynyń Onkologııalyq ortalyǵy» memlekettik kásipornynyń bas dárigeri, medıtsına ǵylymdarynyń doktory Dılıara Qaıdarova.
Ol sonymen qatar, jatyr moıny obyrynyń óte qaýipti aýrý ekendigin, sondyqtan áıel azamattardy erinbesten turaqty túrde dárigerge qaralap turýǵa shaqyrdy.
«Jatyr moınynyń qabynýy, ıaǵnı erozııasynyń qaterli isikke aınalý úderisi - 10 jyl ýaqytty alady. Endi osy 10 jyldyń ishinde bir ret bolsa da dárigerge qaralýǵa bolady ǵoı. Biraq, erozııa vırýstyń jáne basqa da faktorlardyń áserinen jatyr moıny obyryna tezirek aınalyp ketýi múmkin. Sondyqtan biz jatyr moıny jarasynyń, qabynýynyń qaterli isikke aınalýyna 5 jyl ýaqyt beremiz. Biraq, áıelder ár túrli indetter juqtyryp alýy múmkin ǵoı. Sondyqtan biz áıelderdi kem degende jylyna bir ret dárigerge qaralyp turýǵa shaqyramyz. Al tekserilý, emdelý tegin», - dedi D. Qaıdarova.
Qazir elimizde birneshe jyldan beri 30 ben 60 jas aralyǵyndaǵy áıelder úshin tegin skrınıngter júrgizilip keledi. Soǵan qaramastan, tekserý barysynda osy syrqatqa shaldyqqany týraly dıagnoz qoıylǵan áıelderdiń 15 paıyzyna jýyǵy derti asqynyp ketken kezinde qaralǵan bolyp shyǵady. Al bul jaǵdaıda jatyrdy aman alyp qalý múmkin emes.
Aıta ketelik, aldyn ala málimet boıynsha Ashyq esik kúni ótken tańerteńgi saǵat 09:00-den 14:00-ge deıin Almaty qalasy boıynsha 510 áıel medıtsınalyq tekserýden ótken. Olardyń ishinde 200-ge jýyq áıel «Almaty onkologııalyq ortalyǵyna» qaralýǵa kelgen.
Ortalyqtyń aldyn ala málimeti boıynsha 4 áıelge «Jatyr moıny obyry bolýy múmkin» degen dıagnoz qoıyldy. Olar endi qosymsha tekserýden ótetin bolady. Al 58 áıelden ár túrli qabyný úderisteri anyqtaldy. 
