Almatyda «Áıelder densaýlyǵy olımpıadasy» ótip jatyr
ALMATY. Naýryzdyń 9-y. QazAqparat /Názıra Eleýhan / - Almatyda tuńǵysh ret uıymdastyrylǵan stýdenttik «Áıelder densaýlyǵy olımpıadasy» ótip jatyr,
dep habarlaıdy QazAqparat.
Almaty qalasy ákimshiliginiń jáne Jastar saıasatyn damytý memlekettik qorynyń qoldaýymen, "Eki qanat" qoǵamdyq birlestigi uıymdastyryp jatqan olımpıadaǵa 20-dan asa joǵary oqý oryndarynyń komandalary qatysýda.
Naýryzdyń 3-4 aralyqtarynda voleıboldan alǵashqy jarystar bolyp ótti. Oǵan 18 komanda qatysty. Endi, shara aıasynda boýlıngten, shyńǵa órmeleýden, bıden, spıdskeıtıngten (rolıkpen qatty syrǵanaýdan), basketboldan jáne ulttyq sport túrlerinen jarystar ótedi.
"Bul olımpıada birinshi ret uıymdastyrylyp otyr. Biz osyndaı sharalar arqyly qyzdar arasynda sportty damytyp, áıel qaýymyn salaýatty ómir saltyn nasıhattaýǵa shaqyramyz. Óıtkeni árbir qyz - bolashaq ana, sondyqtan elimizdegi demografııalyq jaǵdaıdyń jaqsarýy olardyń densaýlyǵyna baılanysty", deıdi olımpıadany uıymdastyrýshylar.
