Almatyda «Áıelder densaýlyǵy olımpıadasy» bastaldy

Atalmysh oıynǵa Almaty qalasynyń joǵary oqý oryndary men kolledj stýdentteri qatysýda. Aldaǵy 4 apta ishinde Olımpıada aıasynda mynandaı sharalar ótedi: 100 jáne 2400 shaqyrymda júgirý, fýtbol, quzǵa shyǵý, boýlıng, basketbol, voleıbol, rolıkte syrǵanaý, qol kúrestirý jáne bı saıysy jarystary.

Atalmysh sharany «Eki qanat» qoǵamdyq birlestigi Almaty qalalyq jastar saıasaty jónindegi basqarmasy jáne qalalyq jastar saıasaty memlekettik damý qorynyń qoldaýymen uıymdastyryp otyr.

Sharanyń basty maqsaty - sportty jáne salaýatty ómir saltyn nasıhattaý. Al, olımpıada urany - «Sport arqyly ádemilikke jáne densaýlyqqa!» dep atalady.

«Barlyq qyzdardy birinshiden dástúrli túrde II ret ótkizilip otyrǵan «Áıelder densaýlyǵy olımpıadasymen» quttyqtaımyn. Sizder bilesizder, Almaty - jastar qalasy. Sondaı-aq, osy qalada joǵary oqý oryndary eń kóp ornalasqan. Sondyqtan, ásirese qyzdar arasyndaǵy osyndaı sharany qoldaý biz úshin úlken qýanysh. Jastarymyzdy salaýatty ómir saltyna baýlý, soǵan shaqyrý arqyly bizder aýqymdy ıgi isterdiń birin oryndadyq dep oılaımyz. Al, qyzdar arasynda osyndaı sharany nasıhattap júrgen myna sizderge úlken rahmet. Áıel zaty tabıǵatynan ádemi jaratylǵan jandar. Al, sport olardyń ádemiligin odan ári shyńdaı túsetini belgili. Sol sebepti de olımpıada uranynyń «Sport arqyly ádemilikke jáne densaýlyqqa!» dep atalýy da beker emes. Endeshe ádemi qalpymyzdy odan ári aıqyndaı túseıik», - dedi Almaty qalalyq jastar saıasaty jónindegi basqarma bastyǵy Baqtııar Mákenuly.

Olımpıadanyń bas demeýshisi - «Lady Speed Stick» saýda markasy.