Almatyda «Áıelder densaýlyǵy olımpıadasy» aıaqtaldy
ALMATY. 29 sáýir. QazAqparat /Názıra Eleýhan/ - Almatyda «Sport arqyly ádemilikke jáne densaýlyqqa!» atty uranymen ótken «Áıelder densaýlyǵy olımpıadasy» máresine jetti.
Keshe atalmysh sharanyń júldegerleri men jeńimpazdarynyń marapattaý rásimi bolyp ótti. Bıyl «Áıelder densaýlyǵy olımpıadasy» osymen ekinshi ret ótkizildi. Olımpıadanyń maqsaty - sportty damytý jáne Almaty qalasy oqý oryndarynyń stýdent qyzdary arasynda salaýatty ómir saltyn qalyptastyrý. Іs-sharanyń uıymdastyrýshysy - Almaty qalasy Jastar saıasatyn damytý memlekettik qorynyń qoldaýymen «Dva kryla» qoǵamdyq birlestigi.
Esterińizge sala ketsek, sporttyq saıys 6 sáýirde bastalǵan bolatyn. Jarysqa Almaty qalasynyń 20-dan astam JOO men OAOO stýdent qyzdary qatysty. Olar jeńimpaz ataný úshin sporttyń 8 túrinen - júgirý, voleıbol, basketbol, shaǵyn fýtbol, boýlıng, shyńǵa shyǵý, spıdskeıtıng, qol kúres jarystarynan saıysqa tústi. Budan basqa olımpıada aıasynda bıden jáne sporttyń halyqtyq-ulttyq túrlerinen jarystar ótkizildi.
«Árbir qyz - bolashaq ana, bizdiń elimizdiń demografııalyq ahýalynyń órkendeýi osy tamasha jandardyń densaýlyǵyna baılanysty»,-dep atap ótti sharanyń uıymdastyrýshylary marapattaý rásiminde.
