Almatyda áıelden aqsha bopsalaǵan er adam ustaldy
Krımınaldyq polıtseılerdiń aıtýynsha, aqsha tabýdyń bul ádisin «Shańyraq» yqshamaýdanynyń D. esimdi 40 jastaǵy turǵyny qoldanǵan.
Sonymen qatar, buryn er adamnyń bótenniń múlkin urlaǵany úshin qylmystyq jaýapqa tartylǵany anyqtaldy.
«Polıtsııaǵa 23 jastaǵy N. esimdi qyz júgindi, ol anasynyń tanysy áleýmettik jelige ıntımdik sıpattaǵy sýretter men beınelerdi ornalastyramyn dep qorqytyp, bopsalaý arqyly 12 mıllıon teńge talap etip otyrǵanyn aıtty. Bul fakt QR QK-niń 194-baby 3-bólimi boıynsha sotqa deıingi tergeýdiń biryńǵaı tiziliminde tirkeldi. Jedel-izdestirý sharalary barysynda kúdikti ustaldy jáne ýaqytsha ustaý ızolıatoryna qamaldy. Ol bul zańsyz áreketteriniń nátıjesinde tanysynan joǵaryda atalǵan somanyń bir bóligin alǵandyǵyn moıyndady», – dedi Almaty qalasy PD Krımınaldyq polıtsııa basqarmasynyń bastyǵy Qýatbek Naýatov.