Almatyda áıel zorlamaq bolǵan qylmysker ustaldy
ALMATY. QazAqparat - Almatyda aǵymdaǵy jyldyń kókteminen beri izdeýde bolǵan 25 jastaǵy sottalýshy ustaldy.
«2015 jyldyń aqpan aıynda Qostanaı oblysyndaǵy probatsııalaý qyzmetiniń baqylaýynda turǵan 25 jastaǵy sottalýshy jazasyn (adam zorlamaq áreketi úshin shartty túrde eki jyl) óteýden jaltaryp, belgisiz baǵytqa izin sýytqan. Keıinnen Qostanaı oblysynyń Meńdiqara aýdandyq soty oǵan izdeý jarııalady. Sol ýaqyttan beri izdeý sharalary toqtatylǵan joq. Búginde QAJ qyzmetkerleri qylmystyq polıtsııamen birlesip «qashqynnyń» izine shyǵyp, ony Almatyda ustady», - dep atap ótti áńgimelesý barysynda Qostanaı oblysy boıynsha QAJ departamentiniń ókili Dınara Moldabaeva.
«Ustalǵan er adamnyń balalar úıinde tárbıelengenin, probatsııalaý qyzmetiniń esebinde turǵan kezde QAJ qyzmetkerleriniń oǵan jeke basyn kýálandyratyn qujatty alýǵa kómekteskenin, sondaı-aq jumysqa ornalastyrý máselesi sheshilip otyrǵanyn atap ótý kerek», - dep qosyp aıtty D.Moldahanova.
