Almatyda áıel men bes bala ıis tıip ýlandy
ASTANA. 13 naýryz. QazAqparat - Almaty qalasy Alataý aýdanynyń eki shaǵynaýdanynda bir áıel men bes bala kómirqyshqyl gazyna ýlanyp, aýrýhanaǵa jetkizildi.
Bul týraly QR TJM-niń baspasóz qyzmetinen habarlady.
Máselen, búgin túngi saǵat on eki jarymda Aqbulaq shaǵynaýdanynda tabıǵı gazben janatyn peshtiń aqaýy saldarynan ıis tıip ýlanǵan 1 jáne 3 jastaǵy balalar men náreste aýrýhanaǵa jetkizildi.
Saǵat 01:13-te Darhan shaǵynaýdanynda qatty otynmen janatyn peshtiń aqaýynan 31 jastaǵy áıel, 6 jastaǵy ul bala men jańa týǵan sábı kómirqyshqyl gazyna ýlanyp, aýrýhanaǵa tústi.
