Almatyda áıel kishkentaı balany kólik júretin jolǵa qaldyryp ketken

ALMATY. QazAqparat - Almatyda áıel kishkentaı balany kólik júretin jolǵa tastap ketken, dep habarlaıdy QazAqparat tilshisi.

Onyń vıdeosy áleýmettik jelide tarady.

Beınejazbadan beımálim áıeldiń balany kóshege shyǵaryp, kólik júretin jolǵa qaldyryp ketkenin kórýge bolady.

Muny baıqaǵan beıtanys er adam balany ornynan turǵyzyp, joldan alyp ketedi.

Almaty qalalyq polıtsııa departamenti atalmysh oqıǵaǵa qatysty túsinik berdi.

«Qazir Naýryzbaı aýdandyq polıtsııa basqarmasy atalǵan fakti boıynsha tekserý júrgizip jatyr, onyń nátıjesi boıynsha mán-jaı anyqtalyp, QR zańnamasyna sáıkes sharalar qabyldanatyn bolady», - dep habarlady polıtsııadan.