Almatyda áıel burynǵy kúıeýin pyshaqtap tastady
Quqyq qorǵaýshy Dına Tańsári óziniń Instagram paraqshasynda oqıǵanyń egjeı-tegjeıin jarııalady. Aıtýynsha oǵan jábirlenýshiniń sińilisi júgingen.
«Kámeletke tolmaǵan balanyń jáne meniń ápkem Janattyń quqyqtary men zańdy múddelerin qorǵaý úshin sizge júginýge májbúrmin. Onyń shymkenttik burynǵy kúıeýi 11 qyrkúıekte Almatyǵa kelip, 2022 jyldyń 12 qyrkúıeginde telefon arqyly habarlasady. Ol ortaq qyzyna kıim satyp alýǵa kómektesetinin aıtty. Sóıtip, ol balamen kezdesýge ruqsat berdi. Jaqypov onyń úıine mas kúıinde kelgen. Ol burynǵy áıelin zorlap, keıin alty jastaǵy qyzyn da zorlamaq bolǵan. Anasy qyzyn qutqarý úshin, burynǵy kúıeýine pyshaq suǵyp aldy»,- delingen jazbada .
Qalalyq polıtsııa departamenti 12 qyrkúıek kúni saǵat 22:00-de Gagarın kóshesindegi úılerdiń birinde er adamnyń pyshaq jaraqatyn alǵany týraly qońyraý túskenin atap ótti.
Polıtseıler kelgen kezde jábirlenýshi jerde jatqan. Jedel járdem brıgadasy kóptegen pyshaq jaraqatymen ony qaladaǵy aýrýhanalardyń birine jatqyzdy.
Atalǵan derek Qazaqstan Respýblıkasy Qylmystyq kodeksiniń 106-babynyń 1-bóligi (Densaýlyqqa qasaqana aýyr zııan keltirý) boıynsha sotqa deıingi tergep-tekserýdiń biryńǵaı tizilimine tirkeldi.
«Azamatsha Ý. óziniń túsiniktemesinde mas kúıde bolǵan burynǵy kúıeýimen janjaldasyp, artynsha pyshaq salǵanyn aıtty. Sondaı-aq ol azamat J.-nyń balalardy bastapqyda basqa bólmege qamap qoıǵanyn da naqtylady. Onyń tarapynan balaǵa zorlyq-zombylyq kórsetkeni týraly málimdeme bolǵan joq. Tergeý sotynyń sanktsııasymen áıelge úıqamaq túrindegi bultartpaý sharasy tańdaldy. Kúdiktiniń ýájderin tekserý jáne obektıvti derekterdi anyqtaý maqsatynda is boıynsha birqatar tergeý áreketteri júrgizilýde. Tıisti saraptamalar taǵaıyndaldy», - dep habarlady qalalyq polıtsııanyń baspasóz qyzmeti.
Keshendi tergeý áreketteriniń qorytyndysy boıynsha kúdiktiniń is-áreketine tıisti protsessýaldyq sheshim qabyldanyp, quqyqtyq baǵa beriledi.
Polıtseıler azamattardy QR Qylmystyq kodeksiniń 274-babynyń 2-bóliginiń talaptaryn saqtaýǵa shaqyrady. Bul ereje kórineý jalǵan aqparatty taratýǵa tyıym salady.
Qazaqstan Respýblıkasy Qylmystyq-protsestik kodeksiniń 201-babyna sáıkes qylmystyq is boıynsha ózge de málimetter jarııa etýge jatpaıdy.