Almatyda Aıajan Edilovany óltirdi degen kúdikti aýrýhanadan shyqty
ALMATY. QazAqparat - Almatyda Aıajan Edilovany óltirdi degen kúdikke ilingen azamat aýrýhanadan shyqty, dep habarlaıdy QazAqparat tilshisi.
Almaty prokýratýrasynyń baspasóz qyzmeti málim etkendeı, kúdikti aýrýhanadan shyǵaryldy. Sot oǵan «qamaýǵa alý» sharasyn bekitti. Qazir ol Polıtsııa departamenti janyndaǵy ýaqytsha ustaý ızolıatoryna 2 aıǵa qamaýǵa alyndy.
Eske salaıyq, 19 naýryzda jumysynan shyqqan 19 jastaǵy Aıajan Edilova joǵalyp ketti. 22 naýryzda qyzdyń óli kúıde tabylǵany belgili boldy. Keıin polıtsııa Aıajan Edilovanyń ólimine qatysty túsinik berdi.
Kúdiktini ustaý kezinde ol óz-ózine qol jumsamaq bolyp denesin jaraqattaǵan. Biraq onyń bul áreketi iske aspady. Oqıǵa ornyna dárigerler shaqyrtylyp, ustalǵan adam №7-shi aýrýhanaǵa jetkizildi. Kúdikti - 1993 jyly týǵan Túrkistan oblysynyń turǵyny.
