Almatyda aıazda jylýsyz qalǵan «Taýgúl» shaǵyn aýdanyna jylý berile bastady
ALMATY. QazAqparat - Almatyda aıazda jylýsyz qalǵan «Taýgúl» shaǵyn aýdanyna jylý berile bastady, dep habarlaıdy QazAqparat tilshisi.
Qalalyq ákimdiktiń baspasóz qyzmeti habarlaǵandaı, shaǵyn aýdanǵa jylý jetkizetin qubyrdaǵy apat tolyǵymen qalpyna keltirildi.
Qazir jylý trassasyna ystyq sý jiberilip jatyr. Komýnaldyq qyzmetterdiń habarlaýynsha, «Almaty jylý júıesi» JShS-niń apatty joıý brıgadasy jóndeý jumystaryn túnimen júrgizgen.
Jóndeý jumystary birqatar qıyndyqtardyń sebebinen uzaqqa sozyldy. Atap aıtqanda, zaqymdanǵan qubyr bóligi basqa da jerasty kommýnıkatsııa quraldaryna jaqyn ornalasqandyqtan ony alyp shyǵýǵa biraz ýaqyt jumsaldy.
Eske sala keteıik, Pıatnıtskıı men Súleımenov kósheleriniń qıylysyna jaqyn ornalasqan aýmaqta dıametri 500 mm bolatyn qubyr jarylǵan bolatyn. Osyǵan baılanysty 1300 nysan jylytý júıesinen ajyratyldy.
Atap aıtqanda, Novaı, Jandosov, Beregovoı, Rysqulbekov kósheleri aýmaǵynda ornalasqan kópqabatty úıler men mekemeler jylýsyz qalyp, atalǵan aýmaqtaǵy mektep pen balabaqsha jumystaryn ýaqytsha toqtatty. Degenmen, saǵat 15-00-de jylý júıesin ózge júıege qosý arqyly turǵyn úılerge jylý berildi.
