Almatyda Aıaz Atalar sherýi ótti
ALMATY. QazAqparat - Almatyda búgin Aıaz Atalardyń saltanatty sherýi ótti. Bul týraly atalmysh sharany uıymdastyrýshy ADK saýda oıyn-saýyq kesheniniń resmı saıtynan málimdedi.
Josparlanǵanyndaı, myńnan astam adam qatysqan saltanatty sherý Abaı dańǵyly boıyndaǵy Qazaq memlekettik tsırkiniń aldynan bastalyp, ADK saýda oıyn-saýyq kesheni aldynda aıaqtaldy. Jol boıynda Aıaz Atalar júrginshilerdi Jańa jyl merekesimen quttyqtap, ár túrli jańajyldyq ánder oryndady. Sherý sońynda bıden merekelik flesh-mob ótkizildi. Sonymen qatar, sherýge qatysýshylar ADK saýda oıyn-saýyq kesheni basshylarynyń qolynan Jańa jyldyq estelik syılyqtar aldy. Oǵan qosa, qatysýshylar úshin munda merekelik dastarqan jaıyldy.
Aıta ketelik, resmı derekter boıynsha Aıaz Atalar men Santa-Klaýstar sherýi sonaý 1905 jyldan beri álemniń kóptegen elderinde ótkizilip keledi eken. Tipti keıbir elderde bul mereke ulttyq deńgeıde atap ótiledi.
Aıtpaqshy, Aıaz Ata bolǵysy keletinder ADK saýda oıyn-saýyq keshenine kelip, ótinim bere alady.
