Almatyda Aıaz ata men Aqshaqar qala kóshelerin Hummer kóligimen aralady
ALMATY. QazAqparat- Ǵalamtor jelisinde Aıaz ata men Aqshaqardyń Almaty qalasynyń kóshelerin Hummer kóligimen aralap júrgeni jaıynda beınetaspa paıda boldy.
Olar balalardy osylaısha erekshe ádispen quttyqtaýdy uıǵarypty.
Bir qyzyǵy, jolsyzben júre beretin kólik bylǵarymen qaptalǵan. Al shatyryna shana men buǵynyń múıizi ornatylǵan. Osylaısha, Aıaz ata men Aqshaqar kópqabatty úılerdiń aýlalaryna kirip, jergilikti balalardy Jańa jylmen quttyqtap, olarmen sýretke túsken.
Sondaı-aq, balalar arasynda taqpaq aıtý, án shyrqaý jáne bı bıleý boıynsha baıqaýlar uıymdastyrǵan. Óz ónerlerin kórsetkenderge syılyqtar taratqan.
